ხშრად დასმული შეკითხვები

მეუღლეთა თანასაკუთრებაში არსებული ქონების გაყოფის კანონით დადგენილი წესი ვრცელდება მხოლოდ რეგისტრირებული ქორწინების განმავლობაში მეუღლეთა (თუნდაც ერთ-ერთის) მიერ შეძენილი ქონებაზე (გარდა ჩუქებით და მემკვიდრეობით მიღებული ქონებისა). შესაბამისად, მეუღლის მშობლების საკუთრებაში არსებულ ქონებიდან თქვენ ვერ მოითხოვთ წილს აღნიშნული საფუძვლით.

არსებული კანონმდებლობის თანახმად, არც ერთ მშობელს არა აქვს უპირობო უპირატესობა მეორე მშობელთან შედარებით, რომ განქორწინების შემდეგ ბავშვის საცხოვრებელ ადგილად განისაზღვროს მისი საცხოვრებელი ადგილი. აღნიშნულ საკითხზე მშობლების შეუთანხმებლობის შემთხვევაში, დავას გადაწყვეტს სასამართლო ბავშვის ინტერესების გათვალისწინებით.

განქორწინების  რეგისტრაციისათვის  შეგიძლიათ   მიმართოთ:

•  იუსტიციის  სახლის  ნებისმიერ ფილიალს;
•  სახელმწიფო სერვისების განვითარების სააგენტოს ნებისმიერ ტერიტორიულ სამსახურს;
•  საზღვარგარეთ საქართველოს  საკონსულო წარმომადგენლობას;

ოჯახში ძალადობა ერთ-ერთი ყველაზე გავრცელებული პრობლემაა. ოჯახში ძალადობას აქვს ფარული და ხანგრძლივი ხასიათი, რადგან ხორციელდება ოჯახის წევრ(ებ)ის მიერ  ოჯახის სხვა წევრ(ებ)ის მიმართ და მისი სააშკარაოზე გამოტანა ყოველთვის არ ხდება. ოჯახში ძალადობა არა მხოლოდ  ცოლსა და ქმარს შორის არსებული კონფლიქტია, არამედ ოჯახში ძალადობად ითვლება  ოჯახის ნებისმიერი წევრის მიმართ განხორცილებული ფიზიკური,ფსიქოლოგიური, ეკონომიკური,  სექსუალური ძალადობა, იძულება, მშობლის მიერ შვილის ძირითადი უფლებების უგულებელყოფა. ფიზიკური ძალადობა შესაძლოა გამოიხატოს  ცემაში, წამებაში, ჭრილობის მიყენებაში, ნივთების სროლაში და ა.შ. ფსიქოლოგიური  ძალადობაა: ყვირილი, მუქარა, დამცირება და ა.შ. ეკონომიკური ძალადობა მოიცავს უარის თქმას საკვებისათვის, პირველადი და გადაუდებელი საჭიროებების დაკმაყოფილებისთვის, აკრძალვას თანასაკუთრებაში არსებულ ქონებასთან, მათ შორის-ფინანსურ საკითხებთან, დაკავშირებით გადაწყვეტილებების მიღებაში და ა.შ. სექსუალური ძალადობის დროს ხდება სექსუალური კავშირის დამყარება ძალადობით, იძულებით, მუქარით და ა.შ. საქართველოს სისხლის სამართლის კოდექსით ოჯახში ძალადობა დასჯადი ქმედებაა.

სამოქალაქო კოდექსის 1398-ე მუხლი პირდაპირ ითვალისწინებს ანდერძის შეცვლის საშუალებებს, რომლის თანახმად მოანდერძეს ყოველთვის შეუძლია შეცვალოს ან მოშალოს ანდერძი: ახალი ანდერძის შედგენით, სანოტარო ორგანოში განცხადების შეტანით ან ანდერძის ყველა ეგზემპლარის განადგურებით (მოანდერძის მიერ ან ნოტარიუსის მიერ მოანდერძის განკარგულებით).

სამწუხაროდ, სამოქალაქო კოდექსის 624-ე მუხლის თანახმად, ზეპირი ფორმით სესხის ხელშეკრულების გაფორმებისას, მისი ნამდვილობა არ შეიძლება დადგინდეს მხოლოდ მოწმეთა ჩვენებით. შესაბამისად, თქვენ დაგჭირდებათ მტკიცების სხვა საშუალებები სესხის მიცემის დასტურად, თუნდაც მსესხებლის ხელნაწერი დასტური, თანხის მიღებაზე.

კონკრეტული სამუშაოს შესრულება; სეზონური სამუშაო; სამუშაოს მოცულობის დროებით გაზრდა; შრომითი ურთიერთობის შეჩერების საფუძვლით სამუშაოზე დროებით არმყოფი დასაქმებულის ჩანაცვლება; სხვა ობიექტური გარემოება, რაც ამართლებს ხელშეკრულების განსაზღვრული ვადით დადების მიზანს.

ცვლილებებით განსაზღვრულია ის კონკრეტული გარემოებები, რომლებიც შეიძლება გახდეს შრომითი ხელშეკრულების შეწყვეტის მიზეზი. გარდა ამისა, ხელშეკრულებების შეწყვეტის ერთ-ერთ საფუძვლად კანონი, ასევე,  მიიჩნევს „სხვა ობიექტურ გარემოებას, რაც ამართლებს შრომითი ხელშეკრულების შეწყვეტას“. ამდენად, ობიექტური მიზეზების არსებობის პირობებში, დამსაქმებელს შეუძლია, შეუწყვიტოს ხელშეკრულება დასაქმებულს რაღაც ისეთი გარემოების საფუძველზე, რომელიც კანონში პირდაპირ არ არის მითითებული.